كذا كار - بصمة جديده فى عالم السيارات كذا كار - بصمة جديده فى عالم السيارات
recent

آخر المشاركات

recent
جاري التحميل ...

أسباب زيادة أستهلاك السياره للوقود

أسباب زيادة أستهلاك السياره للوقود

1 – دورة الوقود
يجب التأكد من وصول البنزين بكفائة للمحرك

○ البنزين المستخدم الاوكتان بتاعة مناسب للمحرك
( مش اقل من الاوكتان المطلوب فى الكتالوج )
○ فلتر البنزين نضيف مش مسدود
○ طلمبة البنزين تعمل بكفاءه
○ خطوط و خراطيم البنزين سليمة و مفهاش تسرب او تشقق

– دائرة التشغيل 

 ○ الموبينة سليمة و بتطلع كهربا بكمية كافية
○ توقيت توزيع الشرارة سليم و مناسب مع سرعة المحرك
○ اسلاك البوجيهات سليمة و مش بتسرب كهربا
○ البوجيهات ذات نفسها بتوصل كهربا كويس و مش مرطبة

3 – كفائة الحريق 

 التأكد من احتراق البنزين بيتم بشكل كامل لاعطاء المحرك اكبر كمية ممكنة من الطاقة
و لو عاوز تظبط الحريق … لازم نتأكد من
○ نظافة فلتر الهوا
○ نظافة مجارى الهوا
○ برودة الهوا بالشكل الكافى و دة لازم تتاكد من الريداتير و المراوح و كل وسائل التبريد

4 – حالة المحرك الميكانيكية

○ التاكيهات مظبوطة
○ العادم بيخرج بسهولة و الشكمان مش مكتوم
○ الشنابر سليمة و حاكمة كويس و مفيش تسريب للضغط
○ ثرموستات الكوعة شغاله و سليمه و درجة حرارة المحرك ديما  قبل علامة النص بشرطة او عند النص بظبط

طيب .. كل اللي فات ده كنا بنتكلم على
المحرك علشان نضمن إنه بيطلع الطاقة اللي العربيه محتجاها..

إنما فيه أسباب تانية كتير بتستهلك الطاقة دي وتخلي استهلاك البنزين يزيد بدون داعي.

ثانيا: أسباب متعلقة باستهلاك الطاقة

الأسباب دي متعددة وكتير فعلا.. إنما مبدأها واحد.. هو المقاومة اللي بتواجهها طاقة المحرك لتحريك العربية..

وكل ما كانت المقاومة أقل.. كل ما استهلاك البنزين هو كمان بقى أقل..

1- مقاومة داخل المحرك

وأبرز سبب هنا هو استخدام زيت بلزوجة أعلى من المسموح أو الموصى بيه في الكتالوج.. ويفضل تستخدم أقل لزوجة ممكنة في الكتالوج حسب المناسب للجو اللي العربية هتمشي فيه.

2- المقاومة بسبب الأحمال على المحرك

وده المقصود بيه أي حمل مباشر على المحرك .. زي:

* أي وزن زيادة على العربية.. فكل ما كانت العربية أخف كل ما كان استهلاك البنزين أقل.
* أي أجزاء بتشتغل عن طريق طاقة المحرك بتعمل حمل زايد على المحرك… زي كمبريسور المكيف والدينامو وطلمبة الباور.

3- المقاومة بسبب الأجزاء الميكانيكية

أي تآكل أو خلل في الأجزاء الميكانيكية في العفشة والفتيس بتشكل إعاقة لحركة العربية وتزود استهلاك البنزين.. علشان كده لازم تتأكد من إن:

* الكاوتش مضبوط على الضغط الصحيح (على البارد) حسب المكتوب على قايم العربية.
* زوايا العجل مظبوطة.
* اسطوانة الدبرياج (في الفتيس المانيوال) سليمة ومش بتفوّت.
* زيت الفتيس الأوتوماتك مضبوط ومش ناقص أو عايز يتغير.

4- إعاقة للحركة على الطريق

وهنا المقصود أي شيء خارج العربية وممكن يكون له علاقة بأسلوب السواقة.. علشان كده لازم ناخد بالنا من التالي:

* الطرق غير الممهدة بتعمل إعاقة لحركة العربية.
* فتح الشبابيك أثناء السفر بيزود مقاومة الهوا ويعوق حركة العربية.
* وضع أجزاء بارزة على جسم السيارة بيزود مقاومة الهوا (شبكة فوق السقف – مصدات نيكل على الاكصدام.. إلخ)
* كل الطرق المتجهة لأعلى بتعمل حمل زيادة على المحرك.
* تعشيق النسب المنخفضة في الفتيس بيستهلك بنزين كتير بدون حركة سريعة.. يعني المشي الكتير على الأول والتاني… وده يشمل

– المشي في الزحمة.
– الشد والحرق على المحرك.

التعليقات